“Əqrəb mövsümü” serialının ikinci sezonu çəkiləcək.
Olay.az-ın əldə etdiyi məlumata görə, layihənin davamı üçün artıq hazırlıqlara başlanılıb. Emil Quliyevin rejissorluğunu, Azər Aydəmirin ssenari müəllifliyini etdiyi serial yeni sezonda İTV-də yayımlanacaq.
Qısa zamanda sosial mediada günlərlə müzakirə edilən serialın davam etmə ehtimalının olması barədə aktyor Hikmət Rəhimov da açıqlama verib.
“Serial sektorunun inkişafına xidmət edən bir iş oldu. Bu, hamının uğurudur. Düşünürük ki, başqa-başqa komandalarda daha yaxşı işlər görəcəyik. İkinci sezonu ola bilər, amma mən o barədə heç bir məlumat verə bilmərəm. Onu Azər Aydəmir bilir. Ssenari müəllifi odur, ona görə...”, - deyə o bildirib.
