Mayın 25-i axşam saatlarında Rusiya hərbçiləri Donetsk vilayətində su anbarının bəndini vurublar. Yaxınlıqdakı yaşayış məntəqələrini su basması təhlükəsi var.
Baki.Media xəbər verir ki, bu barədə Donetsk Regional Hərbi Administrasiyasının rəhbəri Pavlo Kirilenko deyib.
"Saat yarım əvvəl raket su anbarının bəndlərindən birinə dəyib. İndi suyun axmasına nəzarət etmək üçün təcili olaraq müvafiq xidmətlər və xüsusi komissiya cəlb olunub. Yaşayış məntəqələrini su basması təhlükəsi böyükdür", -, deyə o bildirib.
O əlavə edib ki, bəndin yaxınlığındakı yaşayış məntəqələrində az sayda insan var və əhalinin təxliyə olunması mümkündür.(axar.az)
