Türkiyədə prezident seçkilərindən sonra başlayan xarici valyutaların məzənnə artımı bu günə kimi davam edir.
“Baki.media ” xəbər verir ki, səhər saatlarında dollar 23,40 lirəyə, avro isə 25,50 lirəyə yüksələrək tarixi zirvələrinə çatıblar.
Qeyd edək ki, mayın 28-də keçirilən prezident seçkilərinin 2-ci turu öncəsi dollar 19,96 lirə səviyyəsində olub. Bugünkü yüksəlişlə seçkidən sonra USD/TRY nisbətində 17,2% artım olub.
Türkiyə lirəsi Azərbaycan manatı qarşısında da rekord həddə ucuzlaşıb. Belə ki, bu gün AZN/TRY nisbəti 3,95% geriləyərək 0,0729 səviyyəsinə enib və tarixi minimumunu yeniləyib.
Ümumilikdə, iyun ayı ərzində lirə manat qarşısında 11% dəyər itirib. Seçkilərin keçirildiyi tarixdən – mayın 28-dən bəri isə manat-lirə nisbəti 14% azalıb.
Könül
Baki.media
