Sağ ələ keçən terrorçulardan biri ilkin ifadəsində bu qətliamı 500 min rubl qarşılığında etdiyini bildirib.
Dediyinə görə, anonim şəxs ona teleqram üzərindən yazaraq bu terroru sifariş edib.
"Ölkə.Az"ın Musavat.com-a istinadla verdiyi xəbərə görə, əməliyyatçıların suallarına cavab verən şəxs deyib ki, bir ay əvvəl onun Teleqram kanalına mesaj yazan naməlum şəxslər ona pul təklif edərək belə bir terror aktı törətməsini təklif ediblər və pulun yarısını köçürüblər. Şəxsin dediyinə görə, əməliyyatdan sonra pulun yerdə qalanlarını da köçürəcəkmişlər. O, kartını təqib zamanı meşədə itirdiyini deyib.
Saxlanılan şəxs terror aktında istifadə edilən silahların "onlar tərəfindən" verildiyini və insanları güllələməyi tapşırdıqlarını bildirib. Adının Şamsoddin olduğunu deyən şəxs 1998-ci il təvəllüdlü olduğunu deyib.
