Tövsiyələrə baxmayaraq, "12345" və "admin" kimi parollar bu gün də tez-tez istifadə olunur. İngiltərə yeni qanunlar çərçivəsində bu zəif parollarla gələn cihazları qadağan edəcək.
Elm, İnnovasiya və Texnologiya Nazirliyi istehlakçıları hakerlik və kiberhücumlardan qorumaq üçün atdığı addımların bazar ertəsi qüvvəyə minəcəyini bildirib. Smartfon, planşet, televiziya, ağıllı ev sistemləri və digər cihazların istehsalçılarından artıq qanuni olaraq internetə qoşulmuş cihazları kibercinayətkarların girişindən qorumaq tələb olunur. Bu o deməkdir ki, cihazların standart zəif parolları indi daha güclü parollarla əvəz olunacaq.Brendlər səhvlər və problemlər barədə məlumat verilə bilməsi üçün əlaqə məlumatlarını dərc etməli və təhlükəsizlik yeniləmələrinin tarixi ilə bağlı şəffaf olmalıdırlar.
Elm və Texnologiya Naziri Jonathan Berry-nin açıqlamasına görə, istehlakçıların şəxsi məxfiliyinin, məlumatlarının və pullarının təhlükəsiz olmasını təmin edəcək qanunlar dünyada bir ilk və İngiltərəni ən təhlükəsiz internet təklif edən ölkə etmək yolunda atılmış ən mühüm addımdır.
© technote.az
