NATO bölmələrinin Ukraynaya göndərilməsi vəziyyətin təhlükəli dərəcədə gərginləşməsinə səbəb ola bilər, bu addıma ehtiyac yoxdur.
Axar.az xəbər verir ki, bu fikri Böyük Britaniyanın xarici işlər naziri Devid Kemeron “Sky Nyus” telekanalına müsahibəsində deyib.
"Mən NATO qoşunlarını Ukraynaya göndərməzdim, çünki bu, təhlükəli eskalasiya olardı. Gərək yoxdur. Biz indiyədək 60 mindən çox ukraynalı əsgərə təlim keçmişik. Məncə, NATO əsgərlərinin rus əsgərlərini öldürməsi düzgün olmazdı", - o bildirib.
