Cənubi Koreyanın Kiber Əməliyyatlar Komandanlığı Şimali Koreyadan artan təhlükəsizlik təhdidləri fonunda ABŞ-ın rəhbərlik etdiyi çoxmillətli kiber təlimdə iştirak edəcək.
“Ölkə.az” xəbər verir ki, bu barədə Yonhap agentliyi məlumat yayıb.
Qeyd olunub ki, Cənubi Koreyanın doqquz hərbi qulluqçusu ABŞ-ın Virciniya ştatında altı gün keçiriləcək Kiber Bayraq onlayn təlimində iştirak edəcək.
Təlimin məqsədi kibertəhlükələrə qarşı mübarizədə və düşmənin kiberhücumları haqqında kəşfiyyat məlumatlarının mübadiləsində çoxmillətli əməkdaşlıq bacarıqlarını təkmilləşdirməkdir.
ABŞ Kiber Komandanlığı 2011-ci ildən bəri hər il oxşar təlimlər keçirir və Cənubi Koreya 2023-cü ildə ilk dəfə olaraq onlara qoşularaq üçüncü dəfədir iştirak edir.
