Fransa rəsmi olaraq Ukraynaya ilk qoşunlarını göndərib. Onlar Slavyanskda Ukraynanın 54-cü Müstəqil Mexanikləşdirilmiş Briqadasına dəstək məqsədilə yerləşdiriliblər.
Ölkə.Az xəbər verir ki, bu barədə "Asia Times" nəşrində məqalə dərc olunub.
Müəllif Stiven Brayen yazır ki, 2022-ci ildə Fransa Xarici legionda bir sıra ukraynalılar və ruslar olub. Onlara legionu tərk etməyə və ukraynalılara münasibətdə Ukrayna qüvvələrinə qoşulmaq üçün Ukraynaya qayıtmağa icazə verilib. Rusların evə qayıdıb-qayıtmadığı bəlli deyil.
Legion bu gün fransız zabitləri tərəfindən idarə olunur, lakin sıravilərin hamısı əcnəbidir. Mövcud anonimliyə əsasən, Legiona qoşulan könüllü öz adını saxlamaq və ya yenisini qəbul etmək barədə qərar verə bilər. Legionerlər üç il müddətinə xidmət edirlər, bundan sonra Fransa vətəndaşlığı tələb edə bilərlər. Əgər legioner yaralanırsa, o, heç bir gözləmə müddəti olmadan Fransa vətəndaşlığını almaq hüququna malikdir. Xarici legionda qadın yoxdur.
Fransız qoşunlarının ilkin qrupunun sayı 100-ə yaxındır. Bu, Ukraynaya gəlməsi planlaşdırılan təxminən 1500 Fransız Xarici Legion əsgərinin ilk qrupudur.
Bu qoşunlar bilavasitə qaynar döyüş bölgəsində yerləşdirilir və ukraynalılara Rusiyanın Donbasdakı irəliləyişlərinə müqavimət göstərməyə kömək etmək məqsədi daşıyır. İlk 100 nəfər artilleriya və müşahidə mütəxəssisləridir.
Ölkə.Az
