İyunun 2-də Günəşdə güclü parlama baş verdi və bu, günəş maddəsinin atılmasına səbəb oldu.
Publika.az xəbər verir ki, plazma buludu hazırda Yerə doğru hərəkət edir.
Alimlər qeyd edirlər ki, hazırkı vəziyyət mayın 29-da baş vermiş partlayışdan xeyli fərqlənir. Günəşdəki partlayışın mərkəzi Günəş-Yer xəttinə çox yaxındır və plazma buludu, demək olar ki, tam olaraq Yerə doğru istiqamətlənir, bu da planetin maqnit sahəsi ilə qaçılmaz toqquşma deməkdir.
Plazma buludunun Yer orbitinə çərşənbə axşamı, iyunun 4-də çatacağı gözlənilir. İlkin hesablamalara görə, zərbə qüvvəsi G3 kateqoriyasına uyğun olacaq ki, bu da güclü maqnit qasırğası deməkdir.
