Fransa Prezidenti Fransua Miteranın dövründə (1984-1986 və 1988-1993-cü illərdə) ölkənin xarici siyasət idarəsinə rəhbərlik etmiş fransız siyasətçi Rolan Düma vəfat edib.
“Ölkə.az” xəbər verir ki, bu barədə “Agence France-Presse” onun ailəsinə istinadən məlumat yayıb.
Bildirilib ki, siyasətçi bu gün 102 yaşında dünyasını dəyişib.
Qeyd edək ki, Roland Düma 1950-ci illərin ortalarından 1980-ci illərin sonuna qədər müxtəlif vaxtlarda Sosialist Partiyasından üç dəfə Fransa Milli Assambleyasının üzvü olub. Düma eyni zamanda Fransanın Avropa işləri üzrə nazir nümayəndəsi (1983-1984) və Fransa Konstitusiya Şurasının sədri (1995-2000) vəzifələrində çalışıb.
