Ukrayna ordusunun rus işğalçılarını Çasovoy Yardan sıxışdırıb çıxarmaq üçün hər şansı var.
"Ölkə.az" xəbər verir ki, bunu Ukraynanın “Xortitsa” qoşunlarının əməliyyat-strateji qrupunun nümayəndəsi Nazar Voloşin deyib.
“Çasov Yar Ukrayna şəhəridir və bizim düşməni oradan uzaqlaşdırıb, əvvəllər olduğu kimi bu istiqamətdə məhv etmək şansımız var”, - deyə Voloşin bildirib.
Voloşin qeyd edib ki, gün ərzində ruslar hücum təyyarələrinin köməyi ilə Çasovoy Yar bölgəsinə hücum edib öz varlıqlarını nümayiş etdirməyə cəhd ediblər. Bununla belə, o, Ukrayna Silahlı Qüvvələrinin hücumları uğurla dəf etdiyini və mövqelərini qoruduğunu vurğulayıb.
