Almaniyada təşkil olunan Avropa çempionatında qrup mərhələsinin oyunlarına bu gün yekun vurulacaq.
Ölkə.az xəbər verir ki, III turun son görüşləri E və F qruplarında keçiriləcək.
E qrupunda Slovakiya və Rumniya komandaları Frankfurt şəhərində üz-üzə gələcəklər. Hazırda hər iki komanda 3 xala malikdir. Rumıniya qrup lideridirsə, Slovakiya üçüncü pillədədir. Qrupun digər matçında Belçika və Ukrayna komandaları qarşılaşacaqlar. Bu görüş Ştutqart şəhərində baş tutacaq.
Hər iki oyuna Bakı vaxtilə saat 20:00-da start veriləcək.
26 iyun
AVRO-2024
E qrupu, III tur
20:00. Slovakiya - Rumıniya
Baş hakim: Daniel Siebert (Almaniya).
“Frankfurt Arena”.
20:00. Ukrayna - Belçika
Baş hakim: Entoni Teylor (İngiltərə).
Ştutqart, "MHP Arena".
| 1 | Rumıniya | 2 | 1 | 0 | 1 | 3-2 | 3 |
| 2 | Belçika | 2 | 1 | 0 | 1 | 2-1 | 3 |
| 3 | Slovakiya | 2 | 1 | 0 | 1 | 2-2 | 3 |
| 4 | Ukrayna | 2 | 1 | 0 | 1 | 2-4 | 3 |
F qrupunda Çexiya və Türkiyə milliləri münasibətlərinə aydınlıq gətirəcəklər. Bu görüş Hamburq şəhərində keçiriləcək. İkinci pillədə qərarlaşan Türkiyə millisi 3, Çexiya isə 1 xala malikdir. Qrupun digər görüşündə Portuqaliya Gürcüstan millisini sınağa çəkəcək. Qarşılşama Helzenkirhen şəhərində reallaşacaq. Lider Portuqaliya millisinin 6, Gürcüstanın isə 1 xalı var.
F qrupunda hər iki oyun 23:00-da start götürəcək.
F qrupu, III tur
23:00. Çexiya - Türkiyə
Baş hakim: İştvan Kovaç (Rumıniya).
Hamburq, “Folksparkştadion".
23:00. Gürcüstan - Portuqaliya
Baş hakim: Sandro Şörer (İsveçrə).
Helzenkirhen, "Feltins Arena".
| 1 | Portuqaliya | 2 | 2 | 0 | 0 | 5-1 | 6 |
| 2 | Türkiyə | 2 | 1 | 0 | 1 | 3-4 | 3 |
| 3 | Çexiya | 2 | 0 | 1 | 1 | 2-3 | 1 |
| 4 | Gürcüstan | 2 | 0 | 1 | 1 | 2-4 | 1 |
Qeyd edək ki, Avropa çempioantına iyulun 14-də yekun vurulacaq.
