Beynəlxalq Şahmat Federasiyası (FIDE) şahmatçıların noyabr ayı üçün dünya reytinqini dərc edib.
Ölkə.az Oxu.Az-a istinadən xəbər verir ki, Azərbaycan şahmatçılarından ən yaxşı göstəriciyə Şəhriyar Məmmədyarov malikdir.
Üç pillə irəliləyən qrosmeysterimiz 2738 xalla 15-ci pillədə qərarlaşıb. İki addım geriləyən Teymur Rəcəbov (2698) 33-cü pillədə yer alıb. 8 pillə irəliləyən Rauf Məmmədov (2651) 82-ci yerdə qərarlaşıb.
Cədvələ 2831 xalla norveçli Maqnus Karlsen başçılıq edir.
Qadınların cədvəlində təmsilçilərimizdən ən yaxşı göstəriciyə Günay Məmmədzadə imza atıb. O, beş pillə geriləyib və 2417 xalla 39-cu yerdədir. Bir pillə irəliləyən Gövhər Beydullayeva (2403) 44-cü pillədə, iki addım yüksələn Ülviyyə Fətəliyeva (2381) isə 67-ci pillədə qərarlaşıblar. Xanım Balacayeva (2362) 4 pillə irəliləyərək 79-cü olub.
Qadınların reytinq cədvəlinə çinli Yufan Hu başçılıq edir - 2633 xal.
