- 5
-
-
-
ENDİRİLİR
-
-
-
ENDİRİLİR
Türkiyədə saxlanılaraq Azərbaycana gətirilən Fazil Qasımov kimdir?
İstanbulda yaşayan azərbaycanlı gənc alim Fazil Qasımovun saxlanılaraq Azərbaycana gətirildiyi bildirilir.
Bu barədə sosial şəbəkələrdə məlumat yayılıb.
Bildirilir ki, o, Qubad İbadoğlunun işi ilə əlaqədar saxlanılıb.
Məlumatı DİN-in mətbuat xidmətindən APA-ya təsdiqləyiblər.
Qeyd olunub ki, cinayət işi ilə əlaqədar axtarışda olan F.Qasımov ölkəyə gətirilərək DİN əməkdaşları tərəfindən həbs olunaraq istintaqa təhvil verilib.
İxtisasca iqtisadçı olan Fazil Qasımov Niderlandda Tilburg Universitetində təhsil alıb. O, həmçinin 2019-cu ildən Türkiyə Cümhuriyyətinin İstanbul Universitetinin doktorantıdır. Qasımovun Türkiyədə yaşamaq izni olduğu da bildirilir.
Qeyd edək ki, 15 gün əvvəl Azərbaycan Demokratiya və Rifah Partiyasının sədri Qubad İbadoğlu Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham olunaraq həbs edilib.
Nərimanov Rayon Məhkəməsinin qərarı ilə onun barəsində 3 ay 26 gün müddətinə həbs qətimkan tədbiri seçilib.
ƏN ÇOX OXUNANLAR
