Tatar əsilli Əminə Cəfərova (Emine Djaparova) Ukrayna xarici işlər nazirinin birinci müavini vəzifəsindən azad edilib.
"Ölkə.az" xəbər verir ki, bu barədə Ukrayna hökumətinin nümayəndəsi Taras Melnıçuk məlumat verib.
Onun sözlərinə görə, hökumətin bu gün keçirilən iclasında kadr məsələlərinə baxılıb və Cəfərovanın vəzifəsindən azad edilməsi ilə bağlı qərar qəbul olunub.
Qeyd edək ki, Cəfərova bu vəzifəyə 2020-ci ilin iyununda təyin olunub. O, bu qurumda Krım türklərinin ilk nümayəndəsi idi.(qafqazinfo)
