Dünyada tanınmış brendlərin loqoları bəzi mənaları ifadə edir.
Baki.Media “tastyarea.com”a istinadla bəzi loqoların mənalarını təqdim edir:
“Toyota” loqosu
Rəsmi mənbələrə görə, “Toyota” loqosundakı üç ellips müştərilərin ürəyinin və "Toyota" məhsullarının ürəyinin birləşməsini, arxa fondakı ağ boşluq isə “Toyota”nın texnoloji tərəqqisini və qarşıda duran sonsuz imkanları simvollaşdırır.
Əslində isə loqonun mənası şirkətin adındakı hərflərin birləşməsidir.
Lakin bu, loqo üçün yeganə izahat deyil. Bəzi insanlar loqonun iynənin gözündən keçən ipə bənzədiyini və bunun “Toyota”nın tekstil sənayesində başlanğıcını simvolizə etdiyinə inanırlar.
“Amazon” loqosu
“Amazon”da hər şeyi tapa bilərsiniz və bu şirkət loqosuna baxdığınız zaman bunu bilmənizi istəyir. A-dan Z-yə hərəkət edən ox ilə sadə və təsirli loqo heç də təsadüf deyil.
“Amazon” loqosu həmişə belə deyildi, Ceff Bezos 1994-cü ildə işə başlayanda istifadə edilən ilk loqo, 2000-ci ildə indiki ilə əvəzlənib.
BMW loqosu
BMW loqotipindəki mavi və ağ rənglərin həqiqətən nəyi təmsil etdiyi ilə bağlı iki fərqli fikir var. Davamlı inanc, birinci Dünya Müharibəsindən sonra bir mühərrik istehsalçısı olaraq şirkətin mənşəyinə görə bir peri təmsil etməsidir.
Lakin hər kəs bununla razılaşmır. Bəziləri düşünür ki, mavi və ağ şirkətin başladığı Bavariya bayrağına hörməti təmsil edir. Hər iki halda, bu, müştəriləri düşündürür.
LG loqosu
“LG Electronics”in loqosu ilk baxışdan göz qırpan emoji siması kimi görünür. Daha yaxından baxdıqda, G-nin üzün konturunu, L-nin isə burnu təmsil etdiyini görəcəksiniz.
Bəzi fanatların fikrincə, LG-nin loqosu dəyişdirilmiş “Pacman”a bənzəyir.
"Pacman"
“Metro Golden Mayer”in aslan kükrəməsi
1916-cı ildən “Metro Goldven Mayer” studiyalarının maskotu kimi istifadə edilən məşhur aslan nəriltisinin necə çəkildiyi ilə bağlı çoxlu fərziyyələr var.
Son illərdə internetdə yayılan yuxarıdakı fotoşəkil görən bəzi insanlar loqodakı kükrəyən şirin əziyyət edilərək bağlandığını düşünürdülər. Lakin sonradan məlum oldu ki, bu foto hansısa kreativ fotoşop işindən başqa bir şey deyil. Əslində soldakı “Metro Goldven Mayer” şiri köhnə üsulla lentə alınıb, sağdakı foto isə kompüter tomoqrafiyasından keçirən aslanın redaktə edilmiş şəklidir.
Fidan
