Sudanın cənub-qərbində Mavi Nil əyalətində etnik qruplar arasında silahlı toqquşmalar nəticəsində ən azı 229 nəfər ölüb.
Baki.Media -ın xəbərinə görə, bu barədə Sudan hakimiyyət orqanlarından bildirilib.
Mavi Nil əyalətində etnik qruplar arasında başlayan torpaq mübahisələri iyulda toqquşmalara yol açıb. Ancaq oktyabrın ortalarındakı növbəti toqquşmalar son illərin ən qanlı toqquşması olub.
Toqquşmalar səbəbindən indiyə qədər 200 mindən çox insan əyaləti tərk etmək məcburiyyətində qalıb, əyalətdə fövqəladə vəziyyət elan olunub.
