"Azərbaycan Hava Yolları" QSC-nin (AZAL) aşağı büdcəli törəməsi - "Buta Airways"in saytı çöküb.
Baki.Media xəbər verir ki, şirkət bu gün saat 16.00-da 2023-cü il üçün "büdcə" tarifi ilə biletləri satışa çıxarıb.
Lakin sözügedən saatda sayta daxil olan vətəndaşlar problemlə üzləşib və bilet əldə edə bilməyib.
Qeyd edək ki, biletlər martın 26-dan oktyabrın 29-na qədər olan tarixlə üçün 9 istiqamət üzrə 29 avroya təklif edilir.
Baki.Media məsələ ilə bağlı "Buta Airways"ə sorğu göndərib.
Könül
Baki.Media
