- 4
-
-
-
ENDİRİLİR
-
-
-
ENDİRİLİR
Əlillik ala bilməyən, 80 manatla 3 övlad böyüdən qazi... - Video
İkinci Qarabağ müharibəsində yaralanan və səhəttində problemlər yaranmış 38 yaşlı Anar Aslan oğlu Mehdiyev ona əlillik dərəcəsinin təyin edilməməsindən şikayətçidir.
Bu barədə qazi Yeniavaz.com-a müraciətində bildirib.
O deyir ki, kəskin psixotrop dərmanlar atır və ağrıları kəsməyəndə gündə iki dəfə həkimə müraciət etməli olur. Bu hal demək olar ki, hər gün davam edir. Bütün bu ağrılara dözə bilməyən qazi hətta 2 dəfə canına qıymaq istəyib.
Anar Mehdiyev deyir ki, əmək qabiliyyəti yoxdur, bir ildir ki, əziyyət çəkir. O bildirir ki, əlillik düşsə də, təmin olunmur.
Qeyd edək ki, Anar Mehdiyev 12 il orduda nümunəvi hərbçi kimi fəaliyyət göstərib. 44 günlük Vətən müharibəsində aldığı ağır xəsarətlər onu sağlamlığından məhrum edib.
Dediyinə görə, yaralı olsa belə Mingəçevir xəstəxanasında müalicə aldıqdan sonra döyüşün son anına qədər ön cəbhədə olub. Aldığı ciddi kəllə-beyin və baş beyin travması müharibədən sonra onu xəstəxanalarda və aidiyyəti qurumlar qarşısında süründürür. Aldığı müalicələrin isə heç bir nəticəsi yoxdur. 3 övladı var, aldığı 80 manat veteran pulu ilə ailəsini dolandırır. Deyir, özünüməşğulluq proqramına yazılsa da, deyilib ki, hələ növbəniz çatmayıb.
Anar Mehdiyev deyir ki, 5 dəfə Səhiyyə Nazirliyi Psixi Sağlamlıq Mərkəzinin rəhbəri, professor Fuad İsmayılovun qəbulunda olub. Qazi bildirir ki, F. İsmayılovun qoyduğu diaqnoz onun əlillik almasına əsas verir.
Dövlət Tibbi-Sosial Ekspertiza Reablitasiya Agentliyinin İctimayyətlə əlaqədar şöbəsidən isə bildirilib ki, müharibə iştirakçısının əlilliklə bağlı etdiyi müraciətə qurumun imtina cavabı verməsi tibbi sənədlərdə qeyd olunan diaqnozlar arasında uyğunsuzluğa və müalicə müddətinin yetərsizliyinə görə olub.
ƏN ÇOX OXUNANLAR
