Hikmət Hacıyev: “Erməni işğalçılar Azərbaycanın səkkiz şəhəri və yüzlərlə kəndini yer üzündən siliblər”

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “X” (keçmiş “Twitter”) sosial şəbəkəsindəki hesabında video yerləşdirib.

“30 illik dağıdıcı erməni işğalı Azərbaycanın səkkiz şəhərinin və yüzlərlə kəndinin tamamilə yox olmasına səbəb olub. Amma dövlət tərəfindən həyata keçirilən və maliyyələşdirilən misli görünməmiş bərpa prosesi işğaldan azad edilmiş ərazilərin dirçəlməsinə gətirib çıxarıb”, - deyə H.Hacıyev yazıb.

"Ermənistan Azərbaycanın işğaldan azad edilən ərazilərinə 1 milyondan çox mina yerləşdirib".

O qeyd edib ki, 2020-ci ilin noyabrından indiyədək 300-dən çox azərbaycanlı mina qurbanı olub.

"Azərbaycan dünyada minalarla ən çox çirklənmiş ölkələr sırasındadır. Ermənistanın mina terroru davam edir", - H.Hacıyev vurğulayıb.