“Yeganə yaxşı cəhət odur ki, Dadia Meşəsində həlak olan 18 nəfərdən başqa insan həyatına yas tutmamışıq”.
Ölkə. Az “Sabah” qəzetinə istinadla xəbər verir ki, bu sözləri Yunanıstanın rəsmi dövlət kanalı ERT-nin aparıcısı Alexandras Douvara söyləyib.
Belə ki, onun meşə yanğınlarında həlak olan immiqrantlar üçün işlətdiyi ifadələr gündəm olub.
Aparıcının sözləri beynəlxalq qalmaqalla yanaşı, yunan mətbuatında da böyük əks-səda doğurub.
O, irqçiliyi qızışdırmaqda günahlandırılıb.
Radikal Sol Koalisiyasının (SYRIZA) Mətbuat sözçüsü Stergios Kalpakis rəsmi feysbuk hesabından sərt münasibət bildirib.
"Bu dəhşətli cümləni ERT xəbər bülleteninin aparıcısı səsləndirib. Hadisə zamanı ölən 18 nəfər adam deyilmi? Deməyə söz yoxdur.
Dövlət televiziyasının etməli olduğu birbaşa üzr istəməkdir. Heç bir insan həyatı digərlərindən az əhəmiyyətli deyil. Güc və mərhəmətin milliyyəti yoxdur. Ölkə üçün bu kritik saatlarda heç olmasa, insanlığımızı yaşadaq”.
Günay
