“Təhlükəsizlik üzrə müttəfiqlərimiz nəinki bizə kömək etmədilər, hətta açıq şəkildə Ermənistanda çevriliş etməyə çağırdılar”.
Ölkə.Az xəbər verir ki, bunu Ermənistan baş naziri Nikol Paşinyan Strasburqda keçirdiyi brifinqdə deyib.
O bununla yenidən Rusiyadan şikayətlənib.
Paşinyan həmçinin qeyd edib ki, Ermənistan Avropa İttifaqı ilə əməkdaşlığı dərinləşdirmək niyyətindədir: “Bununla belə, İrəvan bu münasibətləri regional əməkdaşlıq və regional ölçülərlə müqayisə etmək istəmir. Ermənistanın Avropa İttifaqı ilə əlaqələri yeni elementlə – təhlükəsizliklə tamamlanıb. Söhbət avropalı müşahidəçilərin mülki missiyasından gedir. Yerevan bu yaxınlarda Roma Əsasnaməsini ratifikasiya etdi, bu, beynəlxalq hüquqi nizamın stimullaşdırılması və inkişaf etdirilməsində maraqlı olduğunu göstərir”.
Ölkə.Az