• Baki.Media
  • ENDİRİLİR

  • Baki.Media
  • ENDİRİLİR

Polad Bülbüloğlu Türkiyənin Rusiyada yeni təyin olunan səfiri ilə görüşüb



Azərbaycanın Rusiyadakı fövqəladə və səlahiyyətli səfiri Polad Bülbüloğlu Türkiyə Respublikasının Rusiya Federasiyasına yeni təyin olunmuş səfiri Tanju Bilgiçi qəbul edib.

Səfirlikdən verilən məlumata görə, Polad Bülbüloğlu həmkarını yeni təyinat münasibətilə təbrik edib və gələcək fəaliyyətində uğurlar arzulayıb.

Söhbət zamanı Azərbaycanın Rusiya Federasiyasında akkreditə olunmuş diplomatik korpusun duayeni qismində fəaliyyəti, Rusiya XİN-i ilə birgə təşkil edilən çoxsaylı görüş və tədbirlər barədə qarşı tərəfi məlumat verib.

Azərbaycanın səfiri Azərbaycan və Türkiyə arasında müttəfiqlik münasibətləri və ən yüksək səviyyədə siyasi dialoqun ölkələrimizin Rusiyadakı diplomatik nümayəndəliklərinin qarşılıqlı fəaliyyətinin inkişafına öz faydasını verəcəyinə əminliyini bildirib.

O, ulu öndər Heydər Əliyevin “Bir millət, iki dövlət” kəlamının ölkələrimiz arasındakı münasibətlərdə xüsusi əhəmiyyətini qeyd edərək, bu gün ölkələrimizin liderləri arasındakı dostluq münasibətlərinin ikitərəfli əlaqələrin inkişafının möhkəm əsasını təşkil etdiyini vurğulayıb.

Səfir Tanju Bilgiç qəbula görə təşəkkürünü bildirərək, yeni təyin edilmiş səfir qismində Moskvada ilk rəsmi səfərinin məhz qardaş Azərbaycanın nümayəndəsinə etdiyini bildirib. O, Azərbaycan və Türkiyənin Rusiyadakı səfirlikləri arasında əməkdaşlığın daha da genişlənməsi üçün öz səylərini əsirgəməyəcəyini söyləyib.

Qonaq diplomatik fəaliyyəti barədə məlumat verdi, o cümlədən Sankt-Peterburqda baş konsul, Serbiyada səfir və Türkiyə XİN-in Mətbuat Xidmətinin rəhbəri qismində işindən danışıb. O, Azərbaycanda dəfələrlə olduğundan bəhs edərək, hətta Qarabağın mirvarisi - Şuşaya da səfər etdiyini xüsusi vurğulayıb, Azərbaycanının sürətlə inkişaf etdiyini söyləyib.

Söhbət zamanı səfirlər ümumi mədəni və mənəvi dəyərləri olan iki qardaş xalqın hər bir vəziyyətdə bir-birinə sözdə deyil, işdə dəstək verdiklərini vurğulayıblar.

Görüş zamanı, həmçinin qarşılıqlı maraq doğuran digər məsələlər ətrafında ətraflı fikir mübadiləsi aparılıb.

Türkiyənin səfiri maraqlı və faydalı görüşə görə Polad Bülbüloğluna səmimi təşəkkürünü bildirib.

Görüşün sonunda səfir Tanju Bilgiçə Azərbaycanın Heydər Əliyev Fondu tərəfindən yüksək səviyyədə çap edilmiş “Qarabağ işğaldan əvvəl və sonra” kitabı və miniatür azərbaycan milli musiqi alətlərindən ibarət suvenir hədiyyə edilib.

ƏN ÇOX OXUNANLAR

0.073457956314087