2023-cü ilin son günü kino sənayesində daha bir ölüm xəbəri ilə yadda qaldı.
“The Sopranos”, “Mean Streets” və “Heavy Metal” filmlərindəki rolları ilə tanınan aktyor Riçard Romanus 80 yaşında vəfat edib.
Bu barədə mərhumun oğlu Robert məlumat yayıb.
Romanus dekabrın 23-də öldü, lakin media onun ölümündən bir həftə sonra xəbər tutub.
Onun Yunanıstanın Volos şəhərindəki özəl xəstəxanalardan birində dünyasını dəyişdiyi məlum olub.
Aktyor brutal kişi rolları ilə tanınır. Meqa-populyar “The Sopranos” serialında Romanus doktor Cennifer Melfinin əri Riçard La Penna rolunu oynayıb. O, 1999-cu ildən 2002-ci ilə qədər dörd epizodda rol alıb.(oxu.az)
