Rusiyanın Dağıstan Respublikasının Babayurd rayonunda avtomobilin yük maşını ilə toqquşması nəticəsində 2 nəfər ölüb, 1 nəfər isə yaralanıb.
Baki.Media xəbər verir ki, hadisə Həştərxan-Mahaçqala şosesində baş verib.
Bildirilib ki, “Lada Priora” markalı avtomobil “Renault Magnum”la toqquşub. Nəticədə “Lada Priora”nın sürücüsü və 16 yaşlı sərnişini aldıqları xəsarətlərdən yerindəcə keçiniblər. 14 yaşlı digər minik isə yaralanaraq xəstəxanaya qaldırılıb.
Faktla bağlı araşdırma aparılır.
