- 2
-
-
-
ENDİRİLİR
-
-
-
ENDİRİLİR
Bakıda avtomobil yolunun bir hissəsini kim və niyə bağlayıb?
Paytaxtın Nərimanov rayonu ərazisində nəqliyyatın hərəkətinə süni mane yaradılıb.
Baki.media xəbər verir ki, bu barədə məlumat sosial şəbəkədə paylaşılıb.
Belə ki, söhbət Əhməd Rəcəbli küçəsi ilə Təbriz küçəsinin kəsişməsindən gedir. Sözügedən kəsişmədə avtobus zolağı xüsusi maneələr vasitəsilə bağlanıb.
Adətən bu ərazi ətrafdakı bir çox restoranlar tərəfindən parklanma yeri kimi istifadə olunur, amma indi bu zolaq üzrə hərəkət, ümumiyyətlə, bağlıdır.
Avtobus zolaqlarının əhəmiyyətinə baxmayaraq, zəif nəzarət və zəbt nəticəsində avtobusların hərəkətində ləngimələr yaranır. Küçədəki obyektlər nədənsə küçə sahəsini öz mülkiyyəti hesab edirlər.
Məsələ ilə bağlı Bakı Nəqliyyat Agentliyindən (BNA) Baki.media-ın sorğusuna cavab olaraq bildirilib ki, Əhməd Rəcəbli və Təbriz küçələrinin kəsişməsində avtobus zolağının xüsusi maneələr vasitəsilə bağlanması qəbuledilməz bir haldır:
“Bu cür davranışlar yol hərəkəti qaydalarının pozulması ilə yanaşı, həm də həmin ərazidən keçən müntəzəm marşrut xətlərindən istifadə edən sərnişinlərə qarşı hörmətsizlikdir. Avtobus zolağının zəbt olunması avtobusların müəyyən olunmuş qrafik üzrə hərəkətini ləngidir.
Nəticədə gün ərzində münlərlə sərnişin lüzumsuz yerə vaxt itir, əsəb və stres yaşayır. Agentliyin müdaxiləsi nəticəsində artıq zolaq üzərində olan maneələr tamamilə aradan aradan qalıdırılıb”.
ƏN ÇOX OXUNANLAR
